Duket sikur çdo javë po njihemi me një ngjyrë të re për flokët. Nga ngjyra e kokosit të pjekur deri tek ngjyra rozë kuarc ngjyrat e flokëve këtë vjeshtë duket se nuk do të kenë fund.
Si asnjëherë tjetër larmishmëria e ngjyrave ka ndryshuar dhe janë harruar ngjyrat klasike si bjonde, zeshkane, të kuqe apo kafe sepse tani janë shtuar hijet e pastelit, neon dhe ngjyrat e ylberit.
Tendenca e fundit që “Byrdie UK” po prezanton janë flokët ngjyrë gjethe vjeshte. Flokë të artë, të kuqërremtë, që nuk janë as të kuqe, as kafe është ngjyra e re që do të shihni gjithandej këtë vjeshtë.
Pra, nëse je një bjonde që kërkon një ndryshim të ngrohtë të flokëve apo një zeshkane që dëshiron të bëhet më e lehtë, lejo që ky trend i flokëve të japë ndriçimin që të duhet.
