Edhe pse e kishte herën e saj të parë që shkelte në tapetin e kuq të Festivalit të Filmit në Kanë, Rita Ora bëri atë që duhej për t’i bërë të gjithë që të flisnin për të.
Bukuroshja shqiptare u shfaq fillimisht me një fustan të bardhë që tregonte format perfektë të trupit të saj.
Sensuale dhe sharmante, e veshur me një fustan të çarë rrëzë kofshës dhe të hapur në pjesës e dekoltesë, Rita realisht na mahniti.
Por veshja e dytë e 28-vjeçares ishte akoma më mbresëlënëse. Gjatë eventit për bashkëpunimin me Magnum për edicionin e 72-të të filmit në Kanë, Rita u shfaq e veshur me një fustan lejla.
Fustani i ndarë nga pjesa e bustit ishte i gjithi i mbushur me temina, ndërsa në krahët e këngëtaret derdhej një pelerinë që vijonte deri në tokë.
Makijazhi natyral dhe flokët me onde të lehta e bënin bukuroshen shqiptare të dukej rrëzëllitëse!
