Në funeralin e Aretha Franklin morën pjesë shumë yje të njohur dhe midis tyre ishte këngëtarja Ariana Grande. Ajo dhuroi një performancë mbreslënëse në nder të këngëtares së njohur. Mirëpo pas kësaj ndodhi një situatë e sikletshme dhe pak e turpshme, e cila po bën shumë zhurmë në rrjetet sociale.
Peshkopi, i cili udhëhoqi funeralin e Aretha Franklit, i kërkoi falje këngëtares që ndërkohë që ajo ishte në skenë ai i kishte prekur pjesën anësore të gjoksit.
Një video e publikuar në rrjetet sociale shfaq këtë moment të sikletshëm kur pas përfundimit të performancës, Peshkopi Charles H Ellis III, ia vë dorën pas shpine dhe i prek pjesën anësore të gjoksit.
Fansat e këngëtares të revoltuar nga ky gjest i Peshkopit e kanë shpërndarë këtë video me hashtagun kritikues #RespectAriana.
“Nuk është qëllimi im që të prek gjoksin e ndonjë femre. Ndoshta e kalova kufirin, ndoshta isha shumë miqësor ose shumë familjar, por prap kërkoj falje”, shprehet ndër të tjera Peshkopi në video-n e publikuar.
I don’t care what you think about Ariana Grande, her music or her dress. This is wrong. That bishop’s hand should not be on her breast: I just saw this because I’ve been working and not watching pic.twitter.com/ixVhgYBJTN
— Mona Eltahawy (@monaeltahawy) September 1, 2018
Ndërsa nga ana tjetër Ariana nuk ka bërë asnjë koment në lidhje me këtë çështje.
