Skandal pas skandali në Onkologjik.
Ky është aparati i kobaltit me të cilin kryeministri i vendit, Edi Rama e prezantoi në 2020, teksa pajisja, pas skandalit në Onkologjik rezultoi se nuk është vënë asnjëherë në punë. Ishte 12 nëntori i vitit 2020, kur Rama e postoi në faqen e tij në Facebook.
‘Deri dje në Spitalin Onkologjik kishte vetëm një aparaturë prehistorike me kobalt, sot ka dy akseleratorë linearë të teknologjisë së fundit, si në çdo spital europian ku kurohen të sëmurët me kancer. Vetëm kush nuk do që të shikojë nuk e sheh ndryshimin epokal që vazhdon në shëndetësi’, shkruante Edi Rama në postimin propagandë të tij.
Që të përdoret Kobalto Therapy duhet të krijohet një bunker antiradioaktiv ose antiatomik në kushtet e miratuara dhe të prezantuara nga Agjencia Atomike e Vjenës ose Agjencia Ndërkombëtare që thirret IEAHEA.
Hetimet zbuluan se ky bunker jo vetëm nuk u krijua por aparatura u vendos jashtë kushteve teknike. Që nga viti 2021 kur ky aparat ka mbërritur në Shqipëri dhe deri më sot, ai jo vetëm që nuk është shfrytëzuar, por është lënë në kushte të papërshtatshme duke u bërë burim rreziku ndaj vete personelit mjekesor si pasojë e rrezatimeve të mundshme që emeton kjo pajisje.
Ky skandal, u zbulua pas skandalit të madh që mjekët dhe stafi i Onkologjikut kishin krijuar prej kohësh, duke i dërguar pacientët nga shtetërori te privati.
