Një ngjarje e paprecedentë është shënuar ditën e sotme në Aeroportin e Rinasit. Në aeroport janë krijuar radhë të gjata për të kryer tamponin e Covid-19, kjo për shkak se testi i shpejtë i kryer në qendrat shëndetësore shtetërore nuk njihet nga policia.
Për këtë arsye, të gjithë pasagjerët janë detyruar që të kryejnë testin e shpejtë në qendrën private Alnet brenda spitali Amerikan, me administrator Klodian Allajbeun. Vetëm në këtë mënyë testi mund t’ju njihet të gjithë atyre që duan të udhëtojnë jashtë shtetit.
Qendra në fjalë ku kryehet tamponi ndodhet vetëm 10 minuta larg aeroportit, ndaj pasagjerët janë detyruar të shkojnë pikërisht atje. Qytetarët kanë bërë tetsin me pagesë në mënyrë që policia t’i lejojë të kalojnë dhe vendet pritëse t’i pranojnë.
Madje sipas “Nova Media”, pasagjerëve ju është vënë në dispozicion një fugon i klinikës, i cili qëndron jashtë aeroportit të Rinasit.
Sigurisht që diçka e tillë është një skandal i madh dhe një vendim që favorizon oligarkët. Çshtë e patolerueshme që testet e kryera në qëndrat shëndetësore shtetërore të mos pranohen, vetëm e vetëm që të shtohen disa para në arkën e privatit.
Kjo nuk është hera e parë që Klodian Allajbeu përfshihet në një skandal të tillë. Në fillimet e pandemisë ai ofronte brenda spitalit Amerikan testime me çmime që shkonin nga 300-400 euro. Ky veprim u krye totalisht në kundërshti me ligjin pasi çdo person që ka një sëmundje infektive të karakterit epidemik ka të drejtën të mjekohet falas në çdo institucion shëndetësor publik e jopublik. Për më tepër asokohe vetëm laboratorët shtetërorë lejoheshin të kryenin testime për Covid-19, por kjo gjë nuk mjaftoi që shteti të merrte masa ndaj oligarkut. (KLIKO)
