Mungesa e përgjegjshmërisë në Shqipëri është bërë refren, ashtu si emërimi me mik nëpër çdo pozicion të hapur, ashtu si korrupsioni, mungesa e meritokracisë e me radhë…
Kështu ka ndodhur edhe në institucionin e Policisë së Shtetit. Më saktë, vetë drejtoresha e Krimit Kibernetik, Ervina Gjana, ka pranuar se e ka fituar me mik vendin e saj të punës, siç tregon gazetarja Nevila Dervishi.
Dervishi, ka zbuluar në një intervistë për Euronews Albania, dëshmitë e dhëna nga personat që rekrutoi Ervin Muça, Drejtor i Departamentit për Teknologjinë dhe Informacionit, personi i cili dyshohet se ndërhyu në sistemin TIMS, më datë 2 gusht të vitit 2023
Dervishi, zbuloi se në mbledhjen me dyer të mbylla të Komisionit Hetimor për Tims, Besjan Tanuzi, personi që Ervin Muça rekrutoi si Drejtor në Drejtorinë e Sistemeve në Departamentin e IT në Policinë e Shtetit, ia ka lënë përgjegjësinë këtij të fundit.
Tanuzi tha se nuk ishte në dijeni të çfarë mund të ketë ndodhur dhe shtoi se ka zbatuar vetëm detyrat e dhëna nga drejtori i tij Ervin Muça.
Gazetarja zbuloi dhe dëshminë e Ervina Gjanës, personit që dyshohet se u rekrutua si Drejtore e Krimit Kibernetik në Policinë e Shtetit, nga Ervin Muça.
Gjana e cila ndodhet ende në detyrë, panoi në komision se u rekrutua me mik në atë post, por nuk zgjodhi të jepte emrin e mikut që e punësoi.
“Zonja Gjana është pyetur si është punësuar në Drejtorinë e Krimit Kibernetik, si e mori vesh që kishte një post të hapur pune për aty. Ajo ka thënë se e mori vesh mes miqsh. Në momentin që e kanë pyetur se kush kanë qenë konkurrentët e tjerë që kanë konkurruar bashkë me të, ajo ka thënë se nuk mbante mend as datën as kush ka konkurruar me të. “Si jeni punësuar”, ka qenë një nga pyetjet e tjera dhe ajo ka thënë me “mik”. Megjithatë nuk ka preferuar ta tregojë mikun që e ka punësuar”, tha Dervishi.
Pikërisht Ervina Gjanës dhe stafit të saj, ne të Iconstyle ju drejtuam pak muaj më parë për shqetësimin tonë serioz lidhur me krimin kibernetik ndaj nesh. Mirëpo, çështja mesa duket është lënë në harresë.
Për rikujtesë:
Rasti skandaloz në redaksinë tonë/2 qytetarët kërcënojnë gazetarët e mediat
Çështja ndiqet penalisht/ Dy qytetarët që na shantazhuan, thirren në Polici
I bëjmë thirrje secilit prej jush të mos ngurrojë të denoncojë të gjitha rastet në hapësirën e dedikuar denoncimeve, QYTETARËT. Një rikujtesë që askush s’mund të na bëjë të heshtim me kërcënime!
