Të tjera detaje kanë dalë në dritë pas dhunës që u ushtrua ‘live’ në sy të të gjithë shikuesve ndaj një vajze nga banori i “It’s my home”.
Mësohet se banori është dënuar me largim nga shtëpia, shkruan Gazeta Express.
Drejtori i TV-First Channel, Valon Maloku ka thënë se banori u dënua me qëndrim në burgun e shtëpisë por nuk ka pranuar.
Për pasojë, u kërkua largimi i tij nga shtëpia.
“Nëse folim si arritje të shikueshmërisë, për atë është sukses, se çka ka brenda është reality show. Ju kam bërë ftesë të gjithëve që të vijnë te shtëpia që është ndërtuar, ku këta janë aty, dhe që janë nën monitorim të kamerave, ta shihni se çfarë po ndodh aty”, theksoi Maloku për Kanal10.
Çfarë ndodhi në emisionin “It’s my home?”
Vajza në fjalë ka ofenduar dhe sharë nga familja një banor dhe ky i fundit, nga gjaknxehtësia e ka goditur vajzën me shapkë. E reja shihet duke qarë por askush nuk e ndihmoi. Teksa u sulmua, banorja dëgjohet duke thënë: “S’jam ardhë unë mem rreh këtu”.
Ndërkohë që një banore dëgjohet teksa i thotë dhunuesit “bravo, mirë ia bëre”. Mirëpo, të shumtë kanë qenë komentuesit që kanë reaguar në rrjet. Shumë shkruanin se duhet të ndërhyjë në mënyrë kategorike Policia e Kosovës pasi një vajzë u dhunua në një show televiziv.
