Ditën e sotme ka bërë xhiron e rrjetit një video e njërit prej punojësve të Policisë së Shtetit, i cili duket se ka thyer rregullat në orarin e punës.
Teksa qëndron në makinën e policisë dhe sigurisht në krye të detyrës, ai ka ndaluar duke biseduar me një vajzë, e cila i qëndron nga jashtë në xhamin e shoferit.
Ndërkohë që bisedojnë, polici nis të prekë vajzën dhe ta përkëdhelë në të pasme, ndërsa merr disa reagime nga ana e saj.
Ata ngacmohen me njëri-tjetrit dhe ajo e qëllon disa herë me shuplakë brenda në makinë, ndërsa ai ia kthen po njësoj.
Kjo është një shkelje e rregullave nga polici, i cili është me makinën e Policisë së Shtetit, me uniformë dhe mbi të gjitha në orarin e punës, ndërkohë që qytetarët presin që ai të ruajë rendin dhe sigurinë.
