69-vjeçari që u hodh nga kati i tretë i spitalit Infektiv ditën e djeshme ndërroi jetë mëngjesin e sotëm. Të afërmit e tij kanë rrëfyer për mediat se çfarë ka ndodhur me 69-vjeçarin dhe çfarë ka komunikuar ai para se të hidhej.
Vëllai i tij ka treguar për “AbcNews” se viktimës nuk i ishte bërë tamponi, pavarësisht se ishte shtruar tek Infektivi. Gjithashtu ai ka shtuar se vëllait të ndjerë nuk i kanë bërë asnjë shërbim në spital dhe se telefonatën e fundit e ka pasur me të birin nga Gjermania.
“Nuk iu bë tamponi asnjëherë. Vetëm atje nuk e di çfarë u bë. Në Infektiv bëri 24 orë. E morën në 8.30. i bie që nga ora 8.30 deri në 15:00 nuk ka marrë asnjë shërbim. Jam këtu i ka thënë të bijës, po jap shpirt nuk e di pse nuk po marr asnjë shërbim. nuk i kanë dhënë shërbim, ka qenë në korridor te Infektivi brenda. Kjo na çudit. Nuk patëm më komunikim. Vetëm djali nga Gjermania ka bërë një telefonatë. Ndihem keq i ka thënë djalit. Po më del shpirti çfarë po bëhet”, ka treguar vëllai i viktimës.
Ndërkohë ditën e djeshme QSUT-ja deklaroi se 69-vjeçari ishte nën kujdesin e mjekëve dhe siguroi qytetarët se të gjithë do të marrin shërbimin mjekësor në këto ditë të vështira. (Kliko)
