Reperja me famë botërore Iggy Azalea së fundmi është përfshirë në një skandal mediatik pasi në rrjetet sociale, janë publikuar disa foto ku artistja shfaqet topless.
Fotot kanë qenë pjesë e një seti fotografik për revistën “GQ” në 2016-ën, por nuk asokohe nuk u përzgjodhën për publikim dhe siç shprehet reperja, duhet të ishin fshirë në momentin që u përzgjodhën fotot e publikuara.
“Sot jam një lëmsh emocionesh negative! Ndihem e tradhtuar, e turpëruar, e dhunuar, e inatosur, e mërzitur dhe një milion gjëra të tjera. Jo vetëm për faktin që nuk dhashë miratimin tim për këtë, por për mënyrën e shëmtuar sesi kanë reaguar njerëzit.”-shkroi në Instagram reperja duke shprehur gjithë zemërimin dhe mërzinë e saj për skandalin e fotove që pushtuan rrjetin.
Azalea vijon më tej duke thënë se nuk kishte parë raste të tjera që fotot topless të artisteve për revista prestigjioze të publikoheshin online, ndaj dhe ishte ndier rehat në setin fotografik.
“U ndjeva rehat duke ditur se vetëm imazhet në të cilat mbulohesha me duar do të publikoheshin. Nuk kam rënë kurrë dakord për të bërë foto topless që mund të publikoheshin.”-u shpreh ajo duke shtuar më tej se i vinte për të vjellë nga gjërat që njerëzit po komentonin online për trupin e saj.
Iggy Azalea ka bërë të ditur se do të marrë masa ligjore për autorët e publikimit të fotove dhe tashmë është zhdukur nga rrjetet sociale. Pas deklaratave të mësipërme, reperja ka çaktivizuar logarinë e saj në Instagram dhe në Twitter.
