Eventet shqiptare lënë gjithmonë vend për skandal! Nuk kishte si të shpëtonte prej tij as “Top Music Awards”. Nëse i bazohemi shprehjes shqiptare “Ku ka zë nuk është pa gjë”, atëherë kujtojmë bojkotin që i bënë emrat më të mirë të muzikës shqiptare këtij eventi, me arsyen e manipulimit të votave dhe zgjedhjen e fituesit nga vetë trashëgimtaret e televizionit organizator.
Por bëmat e këtij eventi nuk përfunduan deri në mbylljen e tij! Noizy ishte një prej këngëtarëve që vendosi mospjesëmarrjen në këtë edicion pak orë para nisjen, ndërsa u nis për në Dubai.
Pavarësisht se ai nuk bëri asnjë deklaratë për këtë, duke mos ngjallur më shumë zënka, ishte prezantuesi Ledion Liço që vendosi t’i hidhte benzinë zjarrit.
Ai mbajti një fjalim hapës duke bërë shaka e ironi me të ftuarit, e ndaloi një moment për të folur për Noizy-n, duke thënë: “Noizy do të duhej të ishte këtu. Por ai erdhi në prova me makinën e tij ‘Ferrari’…Kështu është kur shet mend me Ferrari-n e shokut”.
Pas këtij sulmi, Noizy vendosi që të fliste hapur mendimin e tij, pa doreza: “Mbreti i xhunglës ecën vetë! F**k your Awards Ledion Liço! Shko bjeri b***ës por bjeri haptas! Mos mbaj të dashur sa për mos të dalë nami. Kollovar që jeton me lekët e të dashurës. Ty s’ta bleu mami, as babi, ta bleu e dashura”.
