Pas skandalit të influencueses italiane, Chiara Ferragni, këshilli i Ministrave në Itali ka marrë një vendim sa i takon legjislacionit që i përket bamirësisë, ku theksohet se do të ushtrohen kontrolle më të rrepta. Një reagim ka ardhur edhe nga vetë Chiara Ferragni, e cila me një deklaratë të shkurtër ka shprehur se ndihet e lumtur që është vendosur legjislacioni i ri, shkruajne mediat italiane.
Ligji parashikon mbi 50.000 euro gjoba për të gjithë ata që thyejnë rregullat e të ashuquajturës “ddl Ferragni” në transparencën e reklamimit të produkteve që shkojnë për bamirësi. Influencerja u vu në qendër të akuzave, teksa në mediat italiane dolën disa fakte në lidhje me mashtrimin me fushatën e bamirësisë, të bërë një vit më parë (për Krishtlindje dhe për Pashkë) mes saj dhe kompanisë “Balocco”.
