Debati për “vjedhjen” apo përdorimin e sendeve personale brenda shtëpisë së Big Brother VIP Albania duket se po merr përmasa gjithnjë e më të mëdha. Pas deklaratave të forta të Ina Aderit, një tjetër ish-banore ka vendosur të flasë publikisht: Livia Lozi.
Përmes një postimi në rrjetet sociale, Livia ka publikuar disa foto krahasuese, ku pretendon se Brikena është shfaqur në ekran me veshje që i përkasin asaj dhe që, sipas saj, nuk i janë kthyer asnjëherë.
Ajo shprehet se kjo situatë ka nisur që kur ishte ende pjesë e shtëpisë, por nuk është transmetuar nga produksioni. Sipas Livias, përdorimi i sendeve të saj personale ka vazhduar edhe pasi ajo ka dalë nga gara.
“Gjërat e mia janë përdorur nga Brikena… dhe vazhdon të ndodhë edhe pasi unë kam dalë. Nuk m’i kanë dorëzuar dhe ajo i mban për vete,” – shkruan Livia, duke shtuar se disa prej tyre shihen edhe në fotot e publikuara së fundmi.
Në reagimin e saj, ajo i bën thirrje Brikenës që të mos përdorë më sendet personale të të tjerëve, duke theksuar se respekti për kufijtë është thelbësor.
Ky është rasti i dytë brenda pak ditësh që një ish-konkurrente ngre akuza të tilla, duke shtuar dyshimet mbi atë që ndodh në garderobën e përbashkët të shtëpisë më të famshme në Shqipëri.
Deri në këto momente, nuk ka pasur asnjë reagim zyrtar nga ana e Brikenës apo produksionit të BBV.
