Analisti Lutfi Dervishi ka reaguar në lidhje me skandalin e Autoritetit Rrugor Shqiptar (ARRSH), institucion në varësi të ministrisë së Infrastrukturës, së ministres Belinda Balluku për një fond prej 4,5 milionë euro shtesë për ndërtimin e lotit 3 në Unazë.
Dervishi shkruan në një postim në rrjetin e tij social ‘Facebook’ se e gjithë unaza është vetëm 28 km dhe ka 28 vite që është copëtuar në 7 lote. Më pas, ai shton se për këtë vepër ndërrohet projektet dhe ribëhen punimet.
“E gjithë unaza është 28 km! Ka 28 vjet, është copetuar në 7 lote në të cilat punohet ditë e natë, ka prodhuar qindra inspektime/lajme dhe sigurisht dhjetëra milionë euro! Ndërrohet projekti, ribëhen punët dhe sigurisht shtohen fondet! Të vetmit që nuk ndryshojnë janë inspektimet dhe trafiku!”, shkruan Dervishi.
