Ish-ministri i Kulturës, njëherësh kreu i Partisë Demokratike të Durrësit, Ferdinand Xhaferraj, ka denoncuar një skandal në Spitalin rajonal të Durrësit, ku sipas Xhaferrajt është kthyer në një vatër të Covid-19, pasi pacientët e infektuar qëndrojnë në Urgjencën e këtij spitali.
Kreu i PD-së së Durrësit, ka theksuar se pacientët e dyshuar me Covid, qëndrojnë në korridoret e Urgjencës, kur në të njëjtën kohë aty kalojnë e qëndrojnë mjekë, infermierë, fëmijë e të sëmurë, duke rrezikuar edhe jetën e këtyre të fundit.
‘Kjo është një vepër penale dhe kriminale ndaj bëri thirrje që Prokuroria të nisë hetimet ndërsa Ministria e Shëndetësisë të ndërhyjë menjëherë’, ka thënë Xhaferraj.
Xhaferraj më pas i ka bërë apel edhe Prokurorisë së Rrethit të Durrësit që të hetojë këtë akt.
Ai u shpreh më pas se durrsakët e prekur nga Covid-19 detyrohen të trajtohen në shtëpi me një faturë financiare që i kalon 600 mijë lekë të vjetra.
