Një skandal mund të shkatërrojë martesën e aktorit Hollivudian, Will Smith dhe të ndikojë te fansat e tij. Aktori i “Suicide Squad” dyshohet se ka paguar dy milionë dollarë për të fshehur lidhjen e tij homoseksuale.
Akuzat për lidhjen e aktorit Smith me shokun e vjetër Duane Martin u zbuluan nga dokumentet e gjykatës që ka siguruar RadarOnline.com. Prej kohësh ka pasur spekulime për lidhje intime ndërmjet Smith dhe shokut të tij, Duane Martin, ndërsa ato mbeteshin vetëm në kuadrin e thashethemeve.
Martin dhe gruaja e tij në muajin janar kanë shpallur falimentimin, pasi kishin mbi 15 milionë dollarë borxhe, ndërsa aktori dhe gruaja e tij, Jada Pinkett-Smith, i kanë ndihmuar financiarisht për të dalë nga kriza. Mirëpo, e vërteta është se dyshohet që ka ekzistuar një marrëveshje sekrete ndërmjet dy palëve në formë shantazhi (të cilën gjykata e konsideron të paligjshme) dhe të dhënat ruhen në kompjuterin e Martin.
Madje thuhet se aty ekzistojnë edhe fotografitë personale të dy miqve, të cilët duket se miqësinë e tyre e kanë çuar në një shkallë më lartë. Autoritetet tatimore vazhdojnë luftën që të sigurojnë kompjuterin e Martin, në mënyrë që të zbulojnë transaksionet e tij para se të shpallte falimentimin. Besohet se një kompani në pronësi të Smith ka paguar dy milionë dollarë për të blerë një shtëpi të shokut të tij vetëm sa për të mbuluar origjinën e parave.
Raporti i pazakontë i Martin dhe Smith filloi në vitin 2011, kur ata ishin fotografuar duke pushuar në Karaibe. Sipas portalit, ata kishin festuar në një club në fund të nëntorit të atij viti, para se të lëvizin në një apartament ku festuan mes burrash deri në 4:00 pasditen e ditës tjetër. Ditën tjetër, Duane dhe Will dolën për një shëtitje me varkë para se të hanin darkë në restorantin Chaud atë natë.
Ata kanë thënë gjithmonë se janë thjesht miq, por mediat kanë spekuluar vazhdimisht se është fjala për një lidhje homoseksuale.
Burimi: Radar Online
