Më shumë gra e vajza kanë akuzuar këngëtarin e Maroon 5, Adam Levine për dërgimin e mesazheve flirtuese.
Një komediane e quajtur Maryka postoi të martën disa mesazhe me këngëtarin ku shkruhej: “Ki vëmendjen tek unë!” Maryka postoi gjithashtu një video private që Levine i kishte dërguar asaj në të cilën ai thotë, “Unë jam budalla”, megjithëse konteksti në të cilin ai e dërgoi nuk është plotësisht i qartë.
Një vajzë tjetër, Alyson Rosef, postoi gjithashtu një seri mesazhesh, që supozohet se i ishin dërguar nga Adami.
Alyson thotë se ajo mori vendimin për të postuar mesazhet sepse ndihet shumë keq për gruan e Adamit, modelen Behati Prinsloo, dhe inkurajon vajzat e tjera të bëjnë të njëjtën gjë.
Një modele në Instagram i ka shokuar të gjithë me deklaratat e saj. Ajo rrëfeu në një video në rrjetin social se ka pasur një lidhje me frontmenin e Maroon 5, Adam Levine, disa muaj përpara se ai ta informonte atë se po priste një fëmijë tjetër me gruan e tij Behati Prinsloo.
Sumner Stroh, 23 vjeç, shkoi në TikTok për të zbuluar detaje të lidhjes së saj të dyshuar me këngëtarin, i cili është i martuar.
Zeshkania seksi, e cila tani ndodhet në Los Anxhelos pas studimeve në Universitetin e Teksasit, ndau pamjet e bisedave të tyre private në Instagram, duke përfshirë një mesazh ku Levine, 43 vjeç, pyeti nëse mund t’i vinte fëmijës së tij të ri emrin e saj.
“Në thelb, unë kisha një lidhje me një burrë që është i martuar me një supermodele të Victoria’s Secret. Në atë kohë, unë isha e re dhe naive. Dhe dua të them, sinqerisht, ndihem e shfrytëzuar. Unë nuk isha në skenë si tani, kështu që padyshim që u manipulova lehtësisht”– tha ajo.
