Na vjen keq t’ju themi por “Disney” po krijon një film të ri “Piratët e Karaibeve” pa Johnny Depp.
Produksioni ka bërë pjesë të stafit krijuesin e “Çernobilit” Craig Mazin dhe shkrimtarin veteran Ted Elliott, për të zhvilluar një reboot, pra një version të ri të filmit, historia e të cilit mund të mos ketë lidhje me origjinalin.
Shkrimtarët e “Deadpool” Rhett Reese dhe Paul Wernick, nuk janë më pjesë e projektit.
Skenaristi origjinal i filmit, Stuart Beattie, u shfaq më herët për të konfirmuar se roli i Depp si kapiteni famëkeq Jack Sparrow, ka marrë fund:
“Natyrisht që ai e ka bërë atë personazh të tijin dhe është bërë roli i tij më i famshëm për tani. Ka qenë e shkëlqyer për të dhe për ne”.
Depp ka luajtur rolin e Jack Sparrow në pesë filma përgjatë 14 viteve, të cilët kanë grumbulluar mbi 4,5 miliardë dollarë duke e bërë filmin më të madh të të gjitha kohërave.
“Disney” shpreson që Jerry Bruckheimer të kthehet për të prodhuar filmin e ri.
Filmi më i fundit i Pirates, “Dead Dead Say No Tales”, u publikua në vitin 2015 me regjisor Joachim Rønning dhe u tha se ishte vetëm fillimi i aventurës së fundit.
