Me sa duket janë sheshuar mosmarrëveshjet mes koreografit Albi Nako dhe balerinit Graciano Tagani!
Pak kohë më parë, balerini i habiti të gjithë duke thënë publikisht se pas 7 vitesh punë së bashku, koreografi i njohur e pushoi nga puna me një mesazh të vetëm.
Shkak për pushimin asokohe u përfol se u bë emisionin i Luana Vjollcës, “Shiko Kush Luan”.
Gjatë emisionit, Graciano u shpreh se trupa e baletit të “Top Channel” ishte më e mirë se ajo e “TV Klan”.
“Një njeri i madh si Albi mund të pushojë nga puna vetëm nga WhatsApp-i me një mesazh. Unë Albin nuk e kam pasur vetëm koreograf, e kam pasur mik dhe minimalisht nga një mik e pret që të të japë një sqarim të paktën”, tha balerini asokohe.
Por duket se mes dyshes nuk ka më hatërmbetje, pasi të dy ishin bashkë dje në festivalin Alba në Zvicër, në mbështetje të Elvana Gjatës.
Albi madje publikoi edhe një video të Gracianos, i cili e thërriste “maestro” koreografin e njohur, ndërsa ai i uronte suksese të gjithë grupit!
