Kanye West ka një arsye të madhe për të festuar!
Të martën, reperi 41-vjeçar zbuloi se babai i tij Ray West është shëruar nga kanceri dhe për të festuar rimëkëmbjen e tij, ai hëngri një pjatë plot me buburreca.
“Duke kapërcyer frikën”, tha Kanye, teksa publikoi një foto në Instagram ku tregon insektet.
“Babai im dhe unë do të hamë këtë pjatë me buburreca për të festuar shërimin nga kanceri. S’ka më frikë”, shtoi Kanye.
Babai i Kanye West u diagnostikua me kancer të prostatës në muajin korrik.
“Babai i Kanye u diagnostikua me kancer dhe tani po kurohet”, tha një burim për “People” në atë kohë.
“Ai duket se po i përgjigjet mirë trajtimit dhe të gjithë shpresojnë se do të jetë në rregull”.
“Kanye në të vërtetë nuk flet për këtë. Megjithatë është e dukshme që është një situatë shumë e vështirë për të”, vijoi burimi.
Nëna e Kanye-s Donda vdiq në vitin 2007 në moshën 58- vjeçare, pas disa komplikimeve gjatë kirurgjisë kozmetike. Reperi e përjetoi shumë keq humbjen e së ëmës, por arriti t’ia dalë falë mbështetjes së bashkëshortes dhe fëmijëve.
