Nëse ju pyesnim se cili është destinacioni më i frekuentuar në botë ndoshta do të mendonit Parisin apo Londrën! Por ai që qëndron në krye të listës nuk ka asnjë lidhje me Evropën!
Sipas një raporti të ri nga “Mastercard” ka një qytet që i ka mundur Londrën, Parisin apo Tokion dhe ai është: Bangkoku.
Kryeqyteti tajlandez ka luajtur rolin e mikpritësit për më shumë se 19 milionë vizitorë në 2016-n, duke tejkaluar Londrën për të dytin vit radhazi.
Turistët tërhiqen nga arkitektura befasuese e qytetit, kultura e pasur dhe klima tropikale (një arratisje e re për dimrin!), por mbase tërheqja më e madhe është fakti se vizitorët shpenzojnë mesatarisht vetëm 64 dollarë dita.
Nëse nuk e keni problem të udhëtoni gati 19 orë, duket se Bangkoku ia vlen të shënohet në listën e udhëtimeve të dëshirave. Ndoshta një reklamë të mirë ka bërë edhe kënga e Giusy Ferreri, “Bangkok”.
