Justin Bieber ndau një mesazh në Instagram, duke deklaruar se ai nuk ka “asgjë për të provuar“, një deklaratë që vjen mes spekulimeve në rritje për sjelljen e tij dhe përdorimin e drogës.
Këngëtari 31-vjeçar shkroi në Instagram: “Nuk kemi asgjë për të provuar, vetëm dhuratën e jetës për të pranuar dhe marrë. Asgjë nuk na detyrohet dhe nuk i detyrohemi askujt“. Ai shtoi një emoji me zemër të kuqe dhe vendosi ikonë ” Sir Duke ” të Stevie Wonder si muzikë sfond në postimin e tij.
Mesazhi dukej se vjen pas aludimeve të fansave të cilët i kanë ndjekur nga afër veprimet e fundit të Bieber, veçanërisht pasi këngëtari ndau një foto në Instagram duke pirë duhan. Postimi ringjalli shpejt shqetësimet për mirëqenien e tij, veçanërisht pasi përfaqësuesi i tij kishte mohuar thashethemet një javë më parë, duke etiketuar spekulimet për përdorimin e tij të drogës si “të dëmshme”.
Seria e postimeve në mediat sociale dhe sjellja e pazakontë kanë shkaktuar shqetësime në mesin e fansave të Bieber, me shumë persona që vunë në dukje sjelljen e tij “të çuditshme” kur ai u pa në eventin e Rhode të gruas së tij Hailey Bieber në Los Angeles muajin e kaluar. Njerëzit ishin të shpejtë për të vënë në dukje sjelljen e tij të çuditshme gjatë fotove dhe bisedave me të ftuar të tjerë.
