Sizmiologu i njohur Rrapo Ormeni është shprehur në orët e para të kësaj dite të re se tashmë rreziku i tërmetit ka kaluar.
Një ditë nga tërmeti i fuqishëm që goditi vendin dje, Ormeni shprehet se ka pasur dhe do të ketë dhe në vazhdim pasgoditje të tjera, por me intensitet të ulët dhe që nuk përbëjnë rrezik. Pasgoditjet mund të vazhdojnë edhe me muaj por është kjo është gjë e mirë sipas Rrapo Ormenit sepse largohet energjia.
“Tërmeti ishte i frikshëm se kishte një zgjatshmëri të madhe. Nga ecuria e pasgoditjeve, kanë një magnitudë që ka ardhur me ulje dhe rrezikshmëria është ulur. Pasgoditjete do të vijnë të shuhen, mund të ketë lëkundje me magnitudë të vogla, që janë të parrezikshme. Mund të vazhdojnë lëkundjet me javë ose me muaj, dhe është mirë që të ndodhin se largohet energjia dhe ka stabilizim”, ka thënë sizmiologu Rrapo Ormeni.
