Situata nga Covid-19 në vendin tonë është vështirësuar shumë javët e fundit. Madje në muajin shkurt është shënuar numri më i lartë i viktimave nga Covid-19, që nga nisja e pandemisë. Nga data 1 deri në 27 Shkurt humbën jetën 395 qytetarë shqiptarë.
Numri më i lartë i viktimave u shënua të enjten e 25 Shkurtit, pasi 21 persona u dorëzuan përballë virusit Sars-Cov-2, shifra më e lartë kjo e regjistruar deri më tani në vendin tonë. Bilancin më të rëndë e mban java e fundit e shkurtit me 109 viktima. Infektimet ditore mbeten po ashtu të larta, por më një rënie tepër të lehtë krahasuar me 3 javët e kaluara. Përkatësisht nga data 22 deri 27 Shkurt pati 5969 infektime të reja.
Tepër shqetësuese paraqitet situata në të gjitha spitalet Covid, pasi numri i lartë i të shtruarve po ezauron kapacitetet e tyre. Numri total i shtretërve është 841, ndërkohë që aktualisht raportohet për mbi 600 pacientë të hospitalizuar në Tiranë dhe në rrethe.
Ndërsa ditën e sotme janë konfirmuar 952 raste të reja pozitive me Covid-19. Gjatë 24 orëve të fundit kanë humbur jetën 21 qytetarë nga koronavirusi. Ndërkohë për shkak të këtyre shirave, pritet që Komitetit Teknik i Ekspertëve të vendosë masa të reja shtrënguese ditën e nesërme. reja shtrënguese ditën e
