Gjatë 24 orëve të fundit janë regjistruar 37 vatra zjarri në disa bashki të vendit. Aktualisht, 4 vatra mbeten aktive, ndërsa 2 të tjera janë nën monitorim nga strukturat e emergjencave.
Vatrat aktive ndodhen në:
Dibër, në zonat “Livadhi i Peladhisë” dhe “Liqeni i Luleve” (Parku Lurë), ku zjarret janë përhapur në zona pyjore dhe janë në fazë shuarjeje nga zjarrfikës, forca vullnetare dhe ushtria.
Rrogozhinë (Tiranë), në fshatrat Zambish dhe Rrostej, ku janë djegur sipërfaqe me dushqe dhe shkurre. Zjarret janë nën kontroll.
Në Piskovë (Përmet) dhe Sotiran (Vlorë) po monitorohen dy vatra me rrezik të ulët për përhapje.
Në total janë djegur rreth 52 hektarë bimësi, ndërsa në operacione janë angazhuar 547 forca dhe 65 automjete zjarrfikëse. Në ndihmë kanë qenë edhe Forcat e Armatosura me 52 efektivë.
Sipas parashikimeve të IGJEUM, rreziku për zjarre është më i lartë në qarqet Durrës, Tiranë, Fier dhe Vlorë. Strukturat e Mbrojtjes Civile mbeten në gatishmëri për ndërhyrje të menjëhershme.
