Skandal në AKEP, kompania që dha ofertën më të shtrenjtë fiton garën për të vendosur sistemin e avancuar të frekuencave. Bëhet fjalë për garë ku luheshin 372 milionë lekë nga buxheti i Agjencisë së Komunikimeve Elektronike dhe Postare (AKEP).
Drejtues i AKEP-it, Tomi Frashëri, të cilit nuk ia ia kthen vendimet as Komisioni i Prokurimeve, ka vendosur që të fitojë oferta që është rreth 100 milionë lekë më e shtrenjtë.
Ankesa
Kompania e skualifikuar gara “ATDI” sh.p.k. dha një shifër më të ulët për ta bërë këtë sistem është vetë prodhuese e këtij produkti, por paratë ishin caktuar më parë se kush do t’i merrte.
Në ankesën e saj për Komisionin e Prokurimit Publik, operatori i shkruan “Duam t’ju vëmë në vëmendje se pranë AKEP është hera e parë e pjesëmarrjes tonë ndërkohë në institucionet simotra të AKEP në Ballkan ATDI është prezente prej shumë vitesh në Kosovë, Rumani, Bullgari, Serbi, Mal i Zi, Bosnja Hercegovina,
Maqedonia e Veriut. Kemi patur edhe raste të tjera si psh në Francë, Spanjë, Zvicër, Ukrainë etj që siç edhe ju e verifikuat nga kontratat e ngjashme të paraqitura në këtë procedurë për këto vende, kanë po ashtu vlera edhe më të ulta apo të këtij niveli të ofruar si në këtë tender. Këto kontrata që ju janë paraqitur ju janë dëshmi të plota si prova të cilat përmbajnë kontratën, dokument realizimi, si dhe faturat përkatëse. Ju kujtojmë se të gjitha këto dokumente të përmendura janë të konfirmuara nga klientët tanë dhe të verifikueshme në çdo moment. Nuk e kuptojmë se si këto prova nuk janë të mjaftueshme për ju.
Për më tepër, siç edhe ju jeni në dijeni, vetë prodhuesi i produktit ka shumë facilitete për të ofruar një produkt sipas kërkesave të klientit dhe me çmimin më të ulët të mundshëm. Duke qenë vetë prodhues dhe ofertues direkt në këtë procedurë, pra jo nëpërmjet përfaqësuesve, çka sjell edhe rritjen e vlerës së ofertës. Ne kemi kushtin favorizues se i gjithë stafi i kërkuar dhe i dedikuar për këtë procedurë janë direkt punonjës të ATDI Franc dhe ATDI Grup.
Madje duke qenë ofrues i implementimit të sistemit të avancuar të administrimit të frekuencave të spektrit dhe duke e njohur mirë koston dhe vlerën e këtij objekti
gjykojmë se për një sistem të tillë fondi i parashikuar është shumë i lartë”.
“Gara” dhe vlerësimi
Më 13 gusht 2020 është shpallur tenderi me objekt “Shpenzime për implementimin e sistemit të avancuar të administrimit të spektrit të frekuencave’’, me fond limit 37,200,000 lekë pa tvsh zhvilluar në datën 30 shtator 2020 nga AKEP. Më 8 tetor 2020 AKEP ka njoftuar operatorët ekonomikë pjesëmarrës mbi rezultatet e vlerësimit të ofertave ku rezulton se : Infosoft Systems pa ofertë, i skualifikuar; DEVELOPMENT & IMAGES ADVANCED TOPOGRAPHIC, 18,200,000, i skualifikuar; LS telcom AG 27,937,200 i kualifikuar.
“Oferta juaj ekonomike refuzohet nga komisioni i vlerësimit pasi argumentimi juaj mbi ofertën anomalisht të ulët nuk përmbush dispozitat ligjore të parashikuara në nenin 56 të ligjit për prokurimin publik”, deklaron AKEP arsyen e mospranimit të ofertës nga kompania ATDI.
Ndërkohë që ATDI është vetë prodhues dhe implementues i sistemit të avancuar të administrimit të frekuencave të spektrit, AKEP e refuzon pse e ka ofertën të ulët.
“Nëse shikoni kontratat që kemi paraqitur në këtë procedurë si eksperienca të ngjashme të ATDI kemi dhe kontrata të tjera që janë realizuar dhe me vlerë 10.000.000 lekë. Pra, vlera jonë prej 18,200,000 lekë e cila është afërsisht 147.000 euro është brenda diapazonit të vlerave të referuara si kontrata të ngjashme nga ne çka provon qartë se është një ofertë ekuivalente dhe 100% e vlefshme për objektin e kërkuar”, argumenton kompania e refuzuar.
