Ish-trajneri legjendar i Mancherster United, Sir Alex Ferguson është dërguar me urgjencë në spital mbrëmjen e djeshme, për shkak të një hemoragjie celebrale. “Telegraph.co.uk” shkruan se 76-vjeçari iu nënshtrua menjëherë operacionit në tru dhe doli me sukses. Ai ndodhet në terapi intensive.
Ndërkohë në deklaratën për shtyp të Manchester United thuhet se Ferguson ka nevojë për kujdesin e mjekëve dhe një periudhë pushimi të gjatë për tu shëruar plotësisht.
Në vitin 2013, Ferguson u largua nga drejtimi I skuadrës së Manchester United pas 26 vitesh në këtë post, ku ka fituar 38 trofe në Angli dhe Europë.
