Sipas një studimi nga shkencëtarët, personat me diabet ose presion të lartë gjaku, të cilët marrin mjekime përkatëse për sëmundjet e tyre, janë më të ekspozuar ndaj rrezikut për t’u infektuar nga Koronavirusi.
Barnat e quajtura frenues të ACE (Angiotensin-converting-enzyme), mund të ndryshojnë formën e qelizave të dikujt duke e bërë më të lehtë për Koronavirusin që t’i infektojë ato.
Sipas një studimi të botuar në revistën mjekësore britanike “The Lancet Respiratory Medicine”, virusi kapet në qelizat e njerëzve për t’i infektuar ato.
Koronavirusi lidhet në enzimën konvertuese ACE2 dhe pikërisht këtu fillon problemi.
Në studimin e shkecëtarëve në Spitalin Universitar Bazel, në Zvicër dhe Universitetin e Selanikut në Greqi, shkruhet se njerëzit me hipertension ose diabet marrin medikamente që rrisin sasinë e ACE2 në qelizat e tyre, duke e bërë më të lehtë prekjen nga koronavirusi.
Dr Michael Roth nga Universiteti në Bazel shprehet se kjo është edhe arsyeja pse personat që vuajnë nga këto sëmundje e kalojnë më rëndë këtë epidemi, apo rrezikojnë edhe jetën.
Megjithatë, një mjek ka paralajmëruar se personat që marrin këto ilaçe nuk duhet t’i ndalojnë, por duhet të konsultohen me mjekun e tyre nëse kanë shqetësime.
Gjithashtu, gjatë kësaj periudhe të vështirë ata duhet të mbahen gjatë gjithë kohës në monitorim.
Kjo hipotezë mbetet ende e pakonfirmuar, mirëpo nëse ky studim do të vërtetohet, do të sillte një konflikt me kurën e tanishme të diabetit dhe hipertensionit./ Iconstyle.al
