Kur mbretëresha e takave, Victoria Beckham, nisi të vishte të sheshta ju e kuptoni që ka nisur një revolucion i madh i këpucëve.
Ndryshimi i modës duket se na ka goditur të gjithë nga Kendall Jenner e Gigi Hadid te personazhet publikë shqiptarë, që na treguan se atletet nuk janë më vetëm për palestër.
Nëse jeni si një “peshk jashtë ujit” kur vjen puna për t’i kombinuar atletet e bardha nga përditshmëria te daljet në darkë, atëherë ju ndihmon Elvana Gjata.
Së fundmi “Iconstyle.al” kuptoi se këpucët më të dashura për këngëtaren shqiptare janë pikërisht atletet e bardha.
Ajo di t’i kombinojë për një paraqitje “casual” apo diçka më festive:
Mënyra #1
Nëse mendonit se kostumet serioze janë bërë për t’u veshur me taka apo këpucë, atëherë nuk keni parë këto foto të Elvana Gjatës.
Këngëtarja dëshmoi se ky kombinim është ndër më të dashurit për të.
Mënyra #2
Pantallonat me shirit anash, që janë trendi i momentit, të cilat kanë një prerje të drejtë, janë lehtësisht të kombinueshme me atletet e bardha gjithashtu.
Mënyra #3
Fustani poshtë gjurit dhe me detajin e të çarës, pavarësisht ngjyrës, do t’ju bëjë të ndiheni komode dhe pa humbur sensualitetin nëse zgjidhni ta vishni me një palë atlete të bardha.
Mënyra #4
Nëse nuk doni të ngjani disi “vulgare” me një fustan të shkurtër kombinojeni me atlete të tilla.
Mënyra #5
Elvana njihet për stilin e saj eksperimentues dhe guxues. Nëse dhe ju jeni të tilla dhe zgjidhni një fustan të gjatë stil pardesyje, atëherë dini se çfarë të vishni te këmbët.
Burimi: Iconstyle.al
