Sa e rëndësishme është të duash punën tënde ? Për disa, kënaqësia në punë buron nga kreativiteti, ndërveprimi social ose ndjenja e inovacionit. Për të tjerët, puna mund të jetë një rutinë që përsëritet ditë pas dite, pa ndonjë sfidë apo surprizë të veçantë.
Një studim i ri nga Universiteti i Essex-it përpiqet të japë përgjigje, duke zbuluar profesionet që konsiderohen më të mërzitshmet. Në krye të kësaj liste, pra, është profesioni i analistit të të dhënave. Ky është një pozicion që kërkon përkushtim ndaj numrave, përllogaritjeve dhe analizave statistikore, që për shumë duket monoton dhe pa kreativitet.
Megjithëse analistët e të dhënave janë jetik për shumë biznese, jeta e tyre e përditshme përfshin tabela, grafikë dhe parashikime të pafundme, të cilat mund të jenë dekurajuese për ata që kërkojnë intensitet dhe veprim në mjedisin e tyre profesional. Më pas në listën e profesioneve më të mërzitshme janë kontabilistët, specialistët e taksave dhe siguruesit, profesione të karakterizuara nga metodologji strikte dhe mundësi minimale për inovacion.Në detaje, top 5 profesionet më të mërzitshme sipas studimit janë:
-Analist i të dhënave
-Kontabilist
-Teknik tatimor
-Sigurues
Nga ana tjetër, profesionet që konsiderohen më emocionuese janë ato që ndërthurin krijimtarinë, komunikimin dhe veprimin, si gazetaria, arti, shkencat e aplikuara dhe mësimdhënia.
