Armaldo, Efi dhe Mikela, Ariana dhe Genti janë të nominuarit e “Prime-it” të sotëm.
E teksa po afron ora banorët kanë diskutuar me njëri-tjetrin se kush do të dëshironin të largohej. Në një bisedë, djemtë e shtëpisë kanë etiketuar Mikelën dhe Efin dhe Ronaldon. Vajzave ata i janë drejtuar me epitetin “laraska”.
Luizi: “A thua ikin laraskat, mund të ndodhë?”
Amos: “Gent kush ikën, sinqerisht?”
Genti: “Do ta them sinqerisht, nëse ikin ato të dyja gëzohem”.
Luizi: “Unë them ikin dy laraskat sepse i kam nominuar dhe ‘butterfly’”
Me “butterfly” Luizi i referohet Sharkës duke treguar që ka nominuar edhe Ronaldon.
Gjatë ditës së sotme Efi debatoi me Kejvina Kthellën dhe gjejeni përse?
Po, pikërisht për cigare. Sipas Efit, Kthella nuk duhet të mendojë veç për vete por, t’i ndajë ato dhe me të tjerët.
Modelja nga ana tjetër i përgjigjet duke i thënë se pi sa të dojë sepse i mori vetë. Debati ka agravuar deri aty sa Efi i ka thënë Kejvinës mos bëj si gomar.
Ndërsa Mikela më herët ka debatuar me Ronaldo Sharkën. Gazetari i tha ish-konkurrentes së Përputhen se nuk ka përse të ngrejë zërin teksa bisedojnë brenda shtëpisë së famshme.
Mikela pretendoi se Ronaldo i kishte kërkuar një intervistë por gazetari e mohoi këtë gjë.
Por dyshja nuk e lanë me kaq. Ronaldo i kërkoi Mikelës të ulë zërin sepse sipas tij tregon mungesë vetëbesimi. Por Mikela iu kthye! Ajo i kërkoi gazetarit që të mos bëjë zhurmuesin gjatë gjithë kohës.
