Gjashtë muaj nga ndarja me ish partneren e tij, Gracielën, Stine i është përgjigjur kureshtjes së fansave nëse vazhdoin të jetë single apo tashmë në jetën e tij është dikush tjetër.
Në përgjigjen e tij në “Instastory”, ai tha se është “një single i lidhur” dhe në të vërtetë fansat nuk e morën ende një përgjigje.
Kujtojmë se muaj më parë ai bëri një deklaratë në rrjetin social “Instagram” duke lajmëruar fansat se tashmë ishte ndarë nga partnerja e tij prej vitesh me të cilën kanë dhe një vajzë Estia. Stine i dedikoi Gracielës një status në Instagram, duke e falenderuar:
“Edhe pse fundvit, gjej lartësinë shpirtërore për të falenderuar çdo moment të bukur dhe të vështirë të kaluar së bashku! Kam bindjen e plotë se do funksionojmë më mirë pa njëri- tjetrin!
E kemi patur fatin dhe mundësinë me mijëra herë për të kaluar barrierat e jetës, por ndonjëherë gjërat nuk shkojnë ashtu siç ne i mendojmë! Kështu që nuk mbetet tjetër, veçse të të uroj çdo të mirë të mundshme tani e tutje!”
Ndonëse të dy kanë vazhduar jetën e tyre duke iu dedikuar muzikës, nuk kanë munguar edhe ngacmimet për njëri-tjetrin, nëpërmjet rrjeteve sociale.
