Sinan Hoxha është një ndër këngëtarët më të suksesshëm shqiptar. Sot dallohet për jetën e tij luksoze, por jo gjithmonë jeta e tij ka qenë kaq e thejshtë. Adolëshenca dhe rinia e tij ishin të mbushura me vështirësi dhe sakrifica. E ftuar në emisionin “Boom” ai ka rrëfyer vujatjet e tij që nuk i kishim imagjinuar.
“Vajta në Greqi për herë të parë nga vitet ’90. Ishte koha kur këta tanët nuk të linin në kufi, kurse grekut të priste. Isha shumë i vogël, nja 14-15 vjeç dhe vajtëm atje, kalo një mal, kalo një kodër, baltë e shi ishim bërë telef pa bukë. Një familje më pa atje dhe tha ‘krima’. Krima do të thotë i vogël. Më mori në shtëpinë e vet dhe më futi Brenda. Më tha do lash 3-4 makina tek ai dyqani që shisnin makina. Më shumë më mori për gjynah se unë isha i vogël dhe nuk është se do bëja punë, u erdhi keq.”, tha Sinani në emisionin “Boom”.
Këngëtari shqiptar kishte hasur gjëra të reja që në Shqipëri nuk ekzistonin.
“Ne ishim mësuar të laheshim me kanaçe. Para se të shtronin drekën thanë që ky do hajë me ne. Unë kisha mësuar disa fjalë greqisht. Më thanë para se të hamë bukë futu bëj një dush se je bërë pis. Futem unë tek dushi, nuk e dija çfarë ishte dushi. Pashë një çezmë aty, e hapa unë, akull uji…prit se po ngrohet s’ka, prit se po ngrohet tamam…po unë nuk e dija që ato duhet të kombinoheshin të dyja. Si përfundim u lava me ujë të ftohtë.
Kur dola po dridhesha dhe zonja mendoi se mos isha i sëmurë. Ishte uji i ftohtë, i thashë. Pse i ftohtë më tha, ka ujë të nxehtë! Jo i thashë ka dy alternative, ose akull fare ose me u përvuluar, sa të përvëlohesha më mirë me mirë u lava me ujë të ftohtë”, tha Sinani gjatë intervistës.
Vështirësitë e emigrimit e bënë më të fortë dhe me paratë e mbledhura ai hapi një biznes në Shqipëri.
“Kur u ktheva nga Greqia u ktheva me 800 mijë dhrami, afërsisht 4 milionë lekë. Po 4 milionë lekë ishin shumë në atë kohë. Sa erdha unë, vëllai tha do blejmë një makinë. Si përfundim vëllai kishte një shok nga Korça që na ka ndihmuar shumë. Ai tha se do bëni një biznes, furrë buke. Ai na ndihmoi hapëm një furrë buke, më pas bëmë dy dhe ishim të parët në Tiranë që hapëm furrat e bukës”, përfundoi Sinani në rrëfimin e tij.
