Simon Cowell dhe Lauren Silverman janë fejuar pas 13 vitesh së bashku! Simon, 62 vjeç, i cili ka një djalë 7-vjeçar të quajtur Eric me Lauren, 44 vjeç, i propozoi kësaj të fundit gjatë pushimeve të tyre në Barbados.
Propozimi mendohet të ketë ndodhur në një mënyrë shumë private, vetëm me Eric dhe Adam, djali 16-vjeçar i Lauren, nga martesa e saj e mëparshme.
Zgjedhja e Barbadosit si vend nga Simon për të shtruar pyetjen e famshme, nuk është një rastësi, pasi ai dhe Lauren u takuan për herë të parë në “Sandy Lane” të Barbados në vitin 2004.
Në atë kohë, Lauren ishte me pushime me bashkëshortin e saj të atëhershëm Andrew Silverman, nga i cili u nda më vonë në vitin 2013.
Andrew bëri kërkesë për divorc pasi mësoi se Lauren po priste një fëmijë me Simon, mikun e tij të ngushtë.
Figura e njohur televiziv – pasuria e të cilit vlerësohet në 225 milionë paund – u citua si një “bashkëfajtor” në dokumentet e gjykatës për tradhti bashkëshortore.
Në shkurt të vitit 2014, çifti mirëpriti djalin e tyre Eric. Ish-gjyqtari i X Factor – i cili dikur zbuloi se nuk donte fëmijë – më vonë pranoi se të paturit e një djali kishte nxjerrë në pah anën e tij më të butë.
“Tani thjesht nuk mund ta imagjinoj jetën time pa të. Ai është gjëja më e mahnitshme që më ka ndodhur ndonjëherë. Unë e adhuroj.”
