Silvana, konkurrentja e larguar nga “Love Story” publikoi gjatë ditës së sotme disa biseda që vërtetonin se Saimiri i kishte shkruar Flavias për ta ftuar në vilën e tij. Më pas Silvana publikoi edhe disa mesazhe që i kanë shkuar në Instagram nga një vajzë, e cila i shkruan se është lezbike dhe se po njihet me Flavian. “Mua më pëlqejnë femrat dhe po njihemi ndërkohë që ajo është aty brenda!”– thuhet në mesazh.
Teksa e ndau bisedën me ndjekësit në Instastory, Silvana shkroi: “@flavia.harizaj jepi llogari të dashurës tënde dhe jo mua për qëndrimin tënd edhe një javë më tepër aty!”.
Ndërkohë pas këtyre fjalëve të Silvanës ka reaguar edhe Flavia. Ajo shprehet se është e vërtetë që ka marrë lule nga mikesha e saj Adriana Destani, por në shenjë miqësie dhe asgjëje më tepër. Ajo e cilëson këtë veprim të Silvanës si xhelozi dhe mllef dhe se vetë është në Love Story vetëm për një qëllim, për të fituar dashurinë e Saimirit.
“Nuk më pëlqen të reagoj për gjëra pa vlerë, por duke qenë se këtu gjërat bëhen personale dhe po preken njerëz që nuk kanë të bëjnë fare me këtë gjë atëherë detyrohem t’i qartësoj gjërat! Në rradhë të parë është e vërtetë që shoqja ime Adriana Destani më ka dërguar lule në shenjë miqësie dhe në asnjë moment nuk kemi flirtuar me njëra-tjetrën. E dyta, bisedat që ato kanë bërë në emër të shoqjes sime janë fake sepse nuk është profili i shoqjes sime. Silvana xhelozia dhe mllefi nuk do të çojnë në rrugën e duhur. Ti tashmë nuk je pjesë e atij emisioni, pranoje pa i bërë keq dikujt me intriga! Jeta është shumë e shkurtër për ta jetuar atë duke akuzuar dhe hedhur baltë mbi të tjerët! Gjithsesi balta e hedhur nga llumi nuk të bën pis. Jam në Love Story me një qëllim të vetëm dhe nëse këto që thua do ishin të vërteta dhe nëse do kisha një të dashur jashtë më beso nuk do isha këtu tani apo pjesë e atij emisioni. Faleminderit, paqe dhe dashuri”, shkruan Flavia.
