Veç luftës së përbashkët me virusin vdekjeprurës Covid-19, shumë prej nesh po përballen gjatë këtyre ditëve me ankth dhe stres për situatën e krijuar.
Pikërisht për këtë, moderatorja Ilda Bejleri ka vendosur të flasë publikisht, duke rrëfyer si po shkon karantina e saj.
Megjithëse është munduar të heqë mendjen dhe të merret me shumë aktivitete, Ilda e ka pasur të pamundur të menaxhojë stresin gjatë këtyre dy javëve.
Moderatorja i bën thirrje të gjithëve të qëndrojnë në shtëpi, për të mbrojtur veten dhe të dashurit e tyre.
“Për mua kanë qenë ditë të vështira. Ankthi është armiku kryesor i njeriut, sidomos në këto momente, përveç koronavirusit. Stresi mbi të gjitha që po kalojmë edhe fakti sikur tavani po të bie mbi kokë, është diçka që duket sikur po të merr frymën.”- shprehet Ilda ndër të tjera.
Deri tani, numri zyrtar i të prekurve në vendin tonë ka shkuar në 174, mes tyre edhe 4 fëmijë të cilët janë në gjendje të mirë shëndetësore.
Virusi Covid-19 i ka marrë jetën 6 personave në Shqipëri.
