Rita Ora, këngëtarja me origjinë shqiptare që po thyen çdo rekord në skenat më të mëdha botërore, së fundmi ka njoftuar se do të sjellë një performancë për Amazon Music.
Sikurse e kemi bërë me dije më herët, Rita Ora po qëndron në Sidnej të Australisë si gjyqtare e “The Voice Australia”.
Nga Australia ajo na përditëson herë pas here me foto dhe video të ndryshme nga puna e saj atje apo edhe nga jeta profesionale.
Këngëtarja me famë ndërkombëtare, së fundmi ka njoftuar se të premten transmetohet performanca e saj për Amazon Music.
Ndërsa shprehet shumë entuziaste për këtë mundësi, Ora tha se performanca e saj është shumë e veçantë.
“Mezi po pres që të gjithë ta shohin! Performancë shumë shumë e veçantë për Amazon Music”, ka shtuar ajo.
View this post on Instagram
Rita Ora gjithmonë na surprizon dhe na bën krenare me performancat e saj nëpër botë dhe sigurisht që dhe pritshmëritë për këtë performancë të fundit të saj janë shumë të larta.
Jo vetëm fansat e saj por edhe ajo vetë shpeshherë e ka treguar përmes projekteve të shumta origjinën e saj dhe presim që një ndër projektet e radhës të jetë edhe për Shqipërinë.
