Reshjet e dendura që përfshinë vendin mjaftuan për të përmbytur disa nga zonat e qyteteve. Kryeqyteti dhe jo vetëm u zgjuan të bllokuar nga uji mëngjesin e kësaj të marte, ndërsa e gjitha kjo solli një situatë kaosi.
Rrugët kryesore u bllokuan nga trafiku, ndërsa autostrada Tiranë-Durrës është bërë e pakalueshme, për shkak të përmbytjeve.
Autostrada në afërsi të Maminasit është mbuluar e gjitha nga uji, ndërsa trafiku është devijuar në rrugën dytësore Vorë-Tiranë.
Në zona më të thella, banorët kanë mbetur të bllokuar në shtëpitë e tyre për shkak se niveli i ujit ka bllokuar hyrjet para shtëpive apo pallateve. Shumë nga qytetarët kanë dërguar fotografi nga vendi ku ndodhen, për të treguar situatën ku gjenden.
Në kuadër të kësaj situate, kryebashkiaku Erion Veliaj, nëpërmjet një postimi në Facebook, listoi disa prej zonave më problematike, të cilat duhet të shmangen nga qytetarët gjatë ditës së sotme.
Zonat që duhet të devijoni:
-Njësitë Administrative Zall Bastar dhe Zall Herr (QËNDRO LARG LUMENJVE)
-Bregu i Lumit – Pjesa ku ka ende ndërtime pa leje në shtrat
-Kthesa e Kasharit, zona mes Bashkive Tiranë e Vorë
-Ura e Shkozës, Njësia 1
-Zona e Selitës – pjesa informale më problematike
-Zona e rrugës “Misto Mame”
-Rruga “Don Bosko”
-Zona e Bregut të Lumit të Tiranës
*Shfleto galerinë
Burimi: Iconstyle
