Aurela Gaçe është një nga personazhet më karizmatikë dhe të dashur të ekranit dhe botës së muzikës, e cila përveç talentit, spikat edhe për origjinalitetin që e karakterizon në mënyrën e të thënurit të gjërave dhe jo vetëm. Këngëtarja është nënë e dy vajzave të vogla, Greis dhe Abigail. Por këngëtarja edhe pas shtatzënisë është rikthyer në super formë. Në një postim në profilin e saj në “Instagram”, Aurela tregon sesi i riktheu linjat.
“ Fotoja numër një, nje vit e gjysem mbas lindjes se vajzes se pare në maj të vitit 2013. Fotoja nr 2…sot mbas punës një vit e gjysmë pas lindjes së vajzës se dytë” – shkruan këngëtarja.
Aurela ka edhe një mesazh për të gjithë ndjekësit e saj: “Çfarë ke brenda, e rrezaton jashte. Nëse ndihesh e fortë për veten, nëse e do veten, do të dish t’u japesh dashuri edhe te tjereve qe të rrethojne. Këtë do tu mësoj femijeve te mij, me vepra”.
Nga videot e postuar duket qartë se këngëtarja është duke u stërvitur seriozisht dhe me gjithë shpirt, çka e demostrojnë edhe bluzat e djersitura. Më herët, ajo është shprehur se ushqehet shëndetshëm si dhe është besnike e aktivitetit fizik.
