Organizimi i një darke tingëllon një ide e mrekullueshme, deri në kohën që ju duhet ta planifikoni atë. Mundimi dhe ankthi shtohen teksa nisni të konsideroni të gjitha variablat, nga gatimi, te shërbimi apo mënyra për të krijuar atmosferë.
Por organizimi i darkës nuk duhet të jetë stresues. Nëse ka një kulturë që mund të na mësojë se si të organizojmë një festë elegante, por të thjeshtë, është ajo franceze.
Këtë ide ka pasur edhe “Villeroy & Boch”, kur ideoi koleksionin “French Garden” të enëve të servirjes, si pjatat, tabakatë, filxhanët dhe gjithçka që ju duhet për të shërbyer një darkë tipike franceze.
Francezët e bëjnë të duket zbavitëse, shtrimin e darkës dhe elegante në të njëjtën kohë. Më poshtë keni disa këshilla që do t’ju ndihmojë në perfeksionimin e mikpritjes suaj në darkën e radhës:
Sa më thjeshtë aq më mirë!
Kur flasim për darkë, kemi parasysh ushqime të lehta. Një sallatë e gjelbër me pak vaj ulliri dhe uthull, verë, fruta dhe sigurisht djathë. Asnjë nga këto nuk është e komplikuar, megjithatë është e shijshme. Thjeshtësia e vaktit servirur në enët e koleksionit “French Garden”, ua bën të lehtë organizimin, në vend që të vrapojmë duke u marrë me detaje si garniturat, ngrohja e minutës së fundit ose tiganisja e diçkaje. Pra, herën tjetër kur të planifikoni një menu, largoni ato recetat e komplikuara. Mos harroni, ushqimi është i rëndësishëm, por shoqëria akoma më shumë.
Fruta dhe lule!
Frymëzohuni nga ndjenja e ngrohtë dhe mikpritëse e një vile franceze që vjen në dhomën tuaj të ngrënies përmes “French Garden” me kopshtin francez. Lulet, frutat dhe nuancat delikate janë të kombinuara në dizajn, për të krijuar një tavolinë të lezetshme me bukuri franceze në çdo shtëpi.
Rregulli kryesor: Është OK t’ju kërkosh të ftuarve të sjellin diçka
Kur të jeni duke pritur njerëz për darkë, nuk ka asnjë problem nëse u kërkoni t’ju sjellin diçka, veçanërisht nëse ata janë njerëz që i njihni. (Dhe shpresojmë që ata të jenë të ftuar të sjellshëm, për t’ju pyetur: “Çfarë mund të sjell?”) Kur u thoni njerëzve që të sjellin diçka, veproni në mënyrë të drejtpërdrejtë dhe në mënyrë specifike. Ju mund t’u kërkoni njerëzve të sjellin aperitiva si ullinj dhe arra, gjëra të lehta që mund të blihen në një dyqan gjatë rrugës ose lule për të bërë dekorimin. E vetmja gjë që do të bëni më pas, është të servirni ushqimin në pjatancat tuaja të veçanta si ato të “Villeroy & Boch”.
Shërbe djathë në vend të ëmbëlsirës në fund të darkës
Djathi është finalja e ushqimit në tavolinat franceze dhe kështu ka qenë për shekuj me radhë. Djathi është i pasur me vitamina dhe proteina, plot aromë, dhe të ngop në një mënyrë që ëmbëlsira nuk e bën dot. Për më tepër, të shërbesh djathë është e thjeshtë.
Vetëm mbani mend këto dy rregulla: djathi duhet të shërbehet në temperaturë dhome, jo nga frigoriferi; dhe ju duhet të vendosni një thikë të ndryshme për çdo djathë në mënyrë që të mos përzieni shijen. Përdorni pjatat “French Garden Orange” ose “French Garden Vienne” dhe mysafirët tuaj nuk do të duan të largohen nga tryeza.
Burimi: Iconstyle.al
