Si shkak i efekteve të dëmshme të rrezeve diellore mbi organizëm, vitet e fundit është manifestuar një sensibilizim i dukshëm sa i përket ekspozimit në diell. Në botë janë të pafundme fushatat promocionale dhe reklamat për mbrojtjen nga dielli, të promovuara nga dermatologë e kozmetologë të kompanive më të mëdha në treg. Këshillat kryesore për ekspozimin në diell janë të shumta:
1- Evitimin në çdo rast të ekspozimit të tepruar me orare të zgjatura në mënyrë të menjëhershme, pasi djegiet kanë një veprim shumë të dëmshëm në lëkurë, por jo vetëm kjo, shpeshherë mund të japë edhe temperaturë të brendshme si rrjedhojë e një reaksioni inflamator.
2- Përdorimi i barrierave fizike që mbrojnë zonat më delikate ose që mund të irritohen më shpjet, si: kapela, syze të errëta, bluza pambuku etj..
3- Ekspozohuni në diell në mënyrë graduale, duke eliminuar kategorisht kohën e gjatë të ekspozimit nga ora 12:00-17:00 që janë oret me irritim më të lartë.
4- Përdorni një faktor mbrojtës në bazë të fototipit që jeni.
5- Aplikoni një krem me mbrojtje edhe kur jeni në hije, pasi terreni mund të reflketojë rrezet diellore si psh: rëra e thatë e cila reflekton 25%, 80% bora në dimër, relfekton 10% uji, asfalti etj…
6- Vazhdoni aplikoni kremin me mbrojtje edhe kur keni marrë ngjyrë për të reduktuar dëmet e kolagjenit dhe të elastinës, dy faktorëve më të rëndësishëm të lëkurës.
7- Rinovoni aplikimin e kremit mbrojtës. Çdo 2 orë do ishte idealja. Uji dhe djerësitja reduktojnë mbrojtjen.
8- Mos aplikoni parfume përpara ekspozimit në diell, mund të manifestohet nje reaksion i eritemës, i aftë të trasformohet më pas me njolla kafe.
9- N.q.s merrni ilaçe duhet të informoheni mirë përpara tek mjeku i familjes, farmacisti ose të lexoni letrën ilustrative për efektin e tyre.
10- Hormonet e shtatzanisë ose konctaceptivët rrisin tendencën e zhvillimit të njollave të errëta.
11- Aplikimi i skemave me mbrojtje të lartë në zonat e skuqura ose lëkurat couberose, ata që kanë problem me dermatitin, dielli ka aftësi vazodilatarore dhe i bën më të theksuar kapilarët. Është vërtet i nevojshëm një krem pas diellit. Është shumë i rëndësishëm efekti i një kremi pas diellit. Lëkura ka qenë e ekspozuar në diell, gjë që ka çuar në një dehidratim dhe tharje. Aplikimi i një kremi pas plazhit, është thelbësor.
12-Këshillohen kryesisht produkte të pasura me Aloe Vera, Calendula ose dhe Kamomil. Të gjitha këto substanca kanë aftësinë të mbrojnë lëkurën e të rinforcojnë sistemin imunitar dhe stimulojnë mekanizmat e autoriparimit të epidermës. Është shumë i rëndësishëm neutralizimi i radikaleve të lira. Vitamina E, vitamina A e shumë të tjera me funksione antioksidante, mundësojnë këtë efekt. I gjeni tek çaji jeshil, rrushi etj..
Mos harroni që në verë duhet të pini më shumë ujë për t’u hidratuar më mirë. 2 litra ujë në ditë e një gotë me ujë e limon esëll, janë të dobishme.
Nga Alda Hasani
