Si të krijojmë një garderobë duke shpenzuar pak!

E duam modën! Shpeshherë dëshirojmë që gjithë kohën të kemi artikujt më të fundit që kanë dalë në treg, duke e ‘bombarduar’ dollapin tonë më çdo gjë që momentalisht na duket “e duhura”.

Moda kushton dhe presioni që ne femrat i bëjmë shpesh vetes për krijimin e një garderobe të re çdo sezon, është i pandalueshëm. Po çfarë do të bënte një fashioniste e mirë për të mbajtur garderobën e saj në kualitet dhe jo shumë të kushtueshme?

Jetojmë në një periudhë ku duam të shpenzojmë kaq shumë, gjithë kohën, pa menduar se ajo zgjedhje ndoshta nuk është më e mira që mund të bëjmë.

Përgjigja negative? Nuk e kemi idenë si do të mund ta menaxhonim garderobën tonë pa ndryshuar gjithçka çdo sezon.

Bloggera të famshëm japin disa këshilla që do të vlenin për një fillim të mirë:

– Më pak do të thotë më shumë

Ky do të ishte ndryshimi i parë që mund të kërkonit, por për këtë duhet të filloni të ndiheni komforte me pak veshje dhe duke vendosur në mënyrë fikse çdo të donit në çdo kohë.

– Dilni më pak në qendra tregëtare

Nuk ka më xhiro në çdo qendër tregëtare që ju vjen në mendje. Harroni shëtitjet në një të tillë aq shpesh, pasi e dini se sa herë do të shkoni, do të përfundoni me një çantë plot dhe me karta krediti bosh.

– Kontrolloni firmat

Zakonisht nuk i kushtojmë rëndësi vendeve se ku janë prodhuar veshjet, por tani është e rëndësishme të dini se veshjet e prodhuara në Indonezi apo Bangladesh, janë lloji më i lirë dhe më afër modës reale.

– Ktheni mbrapsht klasiken

Më e thjeshtë më e bukur! Stili i preferuar do të ishte me ngjyra të lehta dhe pantallona klasike.

– Blini veshje që plotësojnë njëra – tjetrën

Më mirë të dini se çfarë keni për t’i patur të gjitha në rregull dhe më pas t’i miksoni ato për të qenë korrekte dhe të rregullta pa u munduar aq shumë.

– Kujdesuni të keni vetëm veshje që ju bëjnë të ndiheni mirë

E pranojmë, shpesh e mbushim garderobën me veshje që nuk na bëjnë të ndihemi mirë dhe për këtë arsye ato qëndrojnë aty pa u përdorur shpesh.

– Mos hidhni gjithçka

Edhe nëse sezoni i një veshjeje ka mbaruar, sërish ajo mund të jetë një veshje që do të përdorej për më shumë se një sezon. Është e lehtë të hedhësh diçka, por sigurohu që të jetë vendimi i duhur.

Nga Rea Lemnusha