Pёrshёndetje! Kam filluar tё dal me njё djalё, por jam skeptike, sepse nuk e di nёse ai e ka marrё seriozisht apo jo. E them kёtё sepse nё fillim dukej sikur ishte serioz, i interesuar, bёnte komplimente, ndёrsa tani nuk interesohet mё, do vetёm tё dalim, pa çatuar mё parё. Si tё veproj? Ju faleminderit!
E dashur lexuese! Nga kaq pak sa po mё shkruan, kuptoj se je nё fazёn fillestare tё njohjes dhe ke nevojё tё fitosh pak siguri. Nё fakt, pyetja “A ёshtё serioz me mua?” shqetёson shumё vajza dhe gra. Ky ёshtё njё shqetёsim i kuptueshёm, pasi ёshtё e nevojshme tё dish nёse do t’ia vlejё koha dhe energjia e shpenzuar me tё. Natyrisht, nuk ka kёshilla fikse qё tё tregojnё sa serioz mund tё jetё njё mashkull qё nё fillim, ndaj tё kёrkoj qё t’i besosh gjykimit dhe intuitёs tёnde, por edhe tё reflektosh pёr tё testuar realitetin pёr tё gjetur “fakte” qё mbёshtesin pasigurinё tёnde. Pasi tё listosh “faktet” ose sjelljet e dyshimta, qё ti mendon se atё e bёjnё tё painteresuar, do tё kuptosh mё mirё tё vёrtetёn.
Meqё ke nevojё pёr kёshilla, mund tё tё sugjeroj tё tregohesh mё e kujdesshme pёr tё vёzhguar disa aspekte, tё cilat mund tё tё sugjerojnё nёse ai ёshtё i interesuar. Duhet t’i kushtosh vёmendje gjёrave qё ai thotё (por edhe atyre qё ai nuk thotё) – pra, komunikimit verbal dhe joverbal, por edhe sjelljes sё tij. Pyetja kryesore qё duhet t’i bёsh vetes ёshtё: “A i pёlqej atij?”. Besoj se nuk ёshtё e vёshtirё ta pёrcaktosh nёse i pёlqen, nga mёnyra sesi ai tё sheh, nёse tё bёn komplimente, nёse tё pёrqafon, etj. Kjo ёshtё pyetja mё e thjeshtё, por pёrtej kёsaj, ti ke nevojё tё dish nёse ai ka dёshirё tё vazhdojё mё tej. Mirёpo kjo ёshtё pak mё e ndёrlikuar. Pjesёrisht sepse, ai mund tё tё pёlqejё ty pёr pamjen, inteligjencёn etj., por mund tё mos jetё gati apo tё mos dojё tё krijojё njё lidhje me ty. Ndaj, vazhdo t’i bёsh pyetje tё tjera vetes: “A ёshtё i hapur me mua? A ёshtё i pranishёm? A i pёlqen lidhjet? A kujdeset? etj.”
A ёshtё i hapur? Ju vёrtet mund tё flisni apo tё takoheni, por nёse ai nuk tregon detaje nga jeta e tij, nuk mund tё dish kush ёshtё ai nё tё vёrtetё. Nёse ai ёshtё serioz, ai duhet tё ndajё gjёra nga vetja, madje tё tregojё edhe emocionet, dёshirat, shpresat, madje edhe frikёrat e tij. Nёse ai nuk e bёn kёtё, do tё thotё se shanset janё tё pakta qё tё ketё interesim.
A ёshtё i pranishёm? Nёse ai interesohet pёr ty, atёherё gjen vend nё jetёn e tij pёr ty. Edhe nёse ndodhet larg, do ta gjejё mёnyrёn pёr tё qenё pranё duke shkruar mesazhe. Nёse ai herё interesohet dhe herё jo, kjo ёshtё njё shenjё jopozitive. Edhe nёse duket i zёnё, sёrish, duhet tё bёjё pёrpjekje pёr tё qenё me ty.
A i pёlqen lidhjet? Nёse ai mendon dhe thotё qё nuk i pёlqejnё lidhjet apo angazhimet, me siguri, nuk do t’i pёlqente lidhja as me ty. Kjo ka gjasa tё jetё e vёrtetё, edhe nёse ai thotё qё tё pёlqen.
A kujdeset? Nёse ai mendon pёr mirёqenien tёnde dhe bёn surpriza, kjo ёshtё shenjё e mirё. Ndryshe nёse ai del me ty vetёm nё tё njёjtat vende dhe gjithҫka duket rutinё qё nё fillim.
Nёse ti u pёrgjigjesh pozitivisht kёtyre pyetjeve, besoj se ai mund tё jetё i interesuar pёr ty dhe vazhdimi i njohjes do tё ishte opsion i arsyeshёm. Tё pёrshёndes!
*Lediona Braho, psikologe klinike
Për Iconstyle.al
