Dashuria vjen kur nuk e presim! Ndodh që takimi i parë nuk është ai që prisni dhe ndoshta e keni të vështirë të silleni përballë një personi të ri.
Padyshim që ka disa gjëra që duhet t’i shmangni e të tjera që duhet t’i ndiqni në mënyrë që ta bëni për vete.
Dëgjoni
Një nga aftësitë më të rëndësishme të komunikimit (në dashuri dhe jo vetëm!) Të dëgjuarit aktiv do të thotë të bëni pyetje … dhe të dëgjoni përgjigjet! Dhënia e hapësirës tjetrit nuk është gjithmonë e lehtë, sepse ne shpesh jemi kaq të etur për të treguar për veten. Por duke e dëgjuar mësoni më tepër dhe më shpejt prej personit tjetër.
Gënjeshtra? Jo, faleminderit
Kujdes nga gënjeshtrat, të cilat mund të sjellin keqkuptime në të ardhmen. Hiqeni maskën, madje edhe në takimin e parë. Të jeni vetvetja ju lejon për të jetuar dhe për ta shprehur veten lirshëm. Gjithashtu, ju ndihmon të dyve të jeni të vetëdijshëm se kush me të vërtetë jeni, çfarë ju pëlqen dhe qëllimet tuaja.
Pritshmëritë
Më mirë prit para se të japësh gjykime të nxituara. Të ndash me tjetrin vizionin tënd të jetës është e rëndësishme, por nuk duhet të bëhet e detyrueshme, për shkak se … idetë ndryshojnë! Ndaj duhet jetuar njëherë momenti, pasi pritshmëritë na bëjnë të jetojmë në të ardhmen. E ndonjëherë duke folur për plane si fëmijët dhe familja që në takimin e parë nuk bëjmë gjë tjetër veçse e largojmë personin tjetër.
Qartësi
Jini vetvetja! Shpjegoni zgjedhjet dhe gabimet tuaja pa ndjerë turp. Tregojeni veten me ndershmëri. Detajet më intime? Janë çështje vetëm e juaja. Është e rëndësishme që me vetëdije të zgjedhim se çfarë duhet të zbulojmë. Sepse ka gjëra që ne duam t’i mbajmë për vete. Që të përfshihemi me një marrëdhënie të re, është e rëndësishme që të ndjehemi të lirë, me kokë dhe zemër.
Kur?
Kjo është pyetja që duhet të shmanget, kur lidhet me faktin se kur do të të takoheni përsëri. Tregon ankth dhe është kundërproduktive. Në dashuri fitojnë ata që dinë se si të jetojnë pa nxitim. Në qoftë se takimi ishte një sukses, padyshim që ai do t’ju telefonojë. Koha është një faktor vendimtar. Mos harroni lini vend për imagjinatë, magjinë e panjohur, iniciativën!
Burimi: TgCom24
