Megjithëse është një ndër femrat më të bukura shqiptare, ka edhe nga ata që janë të pakënaqur me pamjen e Xhesika Berberit dhe në një artikull online i kanë vënë në pah gjoksin e vogël.
“Xhesika shfaqet në bikini, gjoksi i saj ‘zhgënjen’ fansat!” është titulli i shkrimit i cili mesa duket e ka revoltuar modelen.
“Xhesika është nga ato modele që nuk ka dëshirë që t’i mbush gjokset apo vithet e saj. Është pothuajse tërësisht natyrale, por fansat e Xhesikës po duan gjoks më ‘shpërthyes’, e në fotografinë e fundit duket se Berberi e ka humbur fare gjoksin i cili mezi vërehet nën bikini.”- shkruhet në artikullin për të cilin Xhesika ka vendosur të reagojë publikisht.
Ajo sqaron se është 1000% natyrale, madje ndihet aq rehat me trupin e saj sa nuk ka ndërmend të bëjë asnjë ndërhyrje.
“Si s’ju vjen turp. Nuk e di kush është ky pseudogazetar që bën këto shkrime shumë pa sens. Çdokush është ndryshe prandaj është unik. Unë jam kjo që jam dhe asnjë nga shkrimet tuaja shumë injorante nuk më bëjnë të humb konfidencën. Shija ime është class për ju. Lol jam 1000% natyrale.”- janë fjalët e Xhesikës në postim.
