Spitalet publike nuk mbulojnë shërbimet!
Sistemi skandaloz publik i shëndetësisë në Shqipëri nuk e ofron shërbimin e kirurgjisë që trajton isheminë cerebrale, ndaj artisti i mirënjohur Genci Fuga, në gjendje kritike për jetën, u detyrua t’i drejtohet privatit
I trishtë është fakti si dy artistë që kanë ushqyer për kaq vite Shqipërinë me art, nuk vlerësohen për kontributin dhe s’kanë mundësi as të shpëtojnë veten në raste të tilla si ky, pa shtrirë dorën të kërkojnë ndihmë nga kushdo që ka mundësi
Ndërhyrja e kushtueshme 20,000 euro është një kurth me dënim vdekje, për pacientët që mezi mbyllin muajin me pagat e tyre të ulëta. I njëjtë është dhe rasti i artistit tonë, që deri dje bërtiste realitetin por askush s’ia vinte veshin!
“Është gati një mision i pamundur që të jesh një çift krijuesish dhe interpretuesish në Shqipëri. Nuk e di si i gjejmë forcat në fund të muajit që presim daljen e rrogës së radhës. Unë fsheh paaftësinë time si kryefamiljar në sigurimin e të ardhurave. Eni duhet të fshehë pasigurinë time në sy të vajzave dhe pjesës tjetër të familjes. Është një sakrificë, është një rol mbi rol që duhet të luajmë çdo fund muaji”
Nëse spitaleve publike nuk u del leverdia të investojnë në aparaturat e nevojshme për ta ofruar shërbimin, buxheti publik ka detyrimin të financojë pacientët që të kenë mundësi ta paguajnë atë në qendrat private ku ofrohet
Mirëpo, ky vend me standarde të dyfishta dërgon për kurim jashtë vendit dhe ia mbulon të gjitha shpenzimet Zv.Ministres së Shëndetësisë, Mira Rakacollit, ndërsa lë Fugën të shtrijë dorën të kërkojë ndihmë, për të shpëtuar jetën në Shqipëri!
Në mjekësinë e lënë pas dore në Shqipëri, mungojnë pajisje e staf mjekësor, mungojnë pagesa të denja për uniformat e bardha që i detyrojnë mjekët të emigrojnë
Në mjekësinë e lënë pas dore duhet të jesh patronazhist për t’u paguar mirë dhe të rrjepin xhepat për të zënë një vend pune, që në fund të ditës e “urren” gjithkush për shkak të këtyre kushteve
Në mjekësinë e lënë pas dore, demotivojnë studentët e rinj të mjekësisë që aq shumë po përpiqen t’i mbajnë me dhunë në Shqipëri
