Virusit Covid-19 dhe rrezikut të tij nuk i ka shpëtuar dot as balerina e njohur shqiptare, Klaudia Pepa.
Ajo është treguar tepër transparente me ndjekësit e saj në rrjete sociale, duke treguar se e ka bërë testin e Covid-it.
Madje, ajo ka ndarë një foto të testit në InstaStory, ndërsa përgjigjen nuk e dimë ende.
Shpresojmë që përgjigjia për balerinën të jetë negative dhe i bëjmë thirrje të gjithëve të respektojnë rregullat anti-Covid.
Në muajin gusht të vitit që lamë pas, Klaudia na tregoi se është në qiellin e shtatë pasi i është realizuar më në fund ëndrra e saj më e madhe.
Balerina shqiptare do të marrë pjesë në një film, që titullohet “REVERSE” dhe është projekti më i fundit nga Giuseppe Lepore për Bielle Re.
Filmi ka nisur xhirimet në 17 gusht në Abruzzo, në përputhje të plotë me të gjitha kërkesat e shëndetit dhe sigurisë, në periudhë pandemie.
I shkruar nga skenaristi francez Guillaume Pichon, ky projekt do të drejtohet nga Mauro John Capece dhe ka karakter thriller ligjor, që do t’ju lërë të gjithëve pa fjalë.
Skenari flet për një vrasës serial, psikopat, që vret gjithmonë duke përdorur një thikë blu. Pas tij do të jetë një inspektor policie, i cili, i bindur se çmenduria e tij është e gjitha një trillim, duke e marrë në pyetje do të çojë në rrëfimin e kthjellët të vrasjeve të tij!
Thrilleri ku interpretojnë Corinna Coroneo dhe Adrien Liss, ndër të tjera, do të shënojë debutimin e shqiptares Klaudia Pepa bashkë me Beppe Convertini.
