Aktori i famshëm Ibrahim Çelikkol, që njihet nga të gjithë për rolin e Ferhatit në serialin “Dashuri bardhë e zi” është bërë baba për herë të parë para dy vitesh. Bashkëshortja e tij solli në jetë një djalë të cilin e pagëzuan me emrin Ali, emër që e kishin vendosur që para lindjes së vogëlushit.
Shumicën e rasteve aktori është treguar shumë diskret përsa i përket jetës së tij personale. Së fundmi, ai ndodhet me pushime në Kapadokia dhe ka publikuar si rrallëherë një foto teksa puthet me bashkëshorten e tij, Mihre Mutlu Çelikkol.
Këtë imazh të ëmbël, “Ferhat” e shoqëroi me një emoji duke i treguar asaj që ajo është bota për të, ndërsa bashkëshortja e tij komentoi në foto emoji në formë zemre.
View this post on Instagram
Kujtojmë se Ibrahim Çelikkol, u bë baba për herë të parë në muajin dhjetor.
Mediat turke treguan se Ibrahim nuk u nda asnjë moment nga bashkëshortja gjatë lindjes dhe ai bëri maksimumin për ta ndihmuar.
Ditën e lindjes, ai publikoi edhe foto të vogëlushit nga salla e lindjes dhe nuk mendoi gjatë për ‘syrin e keq’.
Por, një periudhë ai bëri pushim, nuk e ekspozoi Aliun dhe pak më parë ka publikuar një foto mjaft emocionuese.
Para disa kohësh, së bashku me bashkëshorten, kanë rikujtuar një moment të ëmbël nga shtatzënia.
Ibrahim ka pozuar pranë saj tek një derë dhe e shoqja mban në krah vogëlushin. Ndërkohë këtë foto e kanë realizuar edhe në muajin e nëntë të shtatzënisë dhe duket mjaft e bukur.
