Eugena Tomini, shefe e Epidemiologjisë në Institutin e Shëndetit Publik tregon si po shqyrtohet mundësia për lëvizjen e qytetarëve pa maska.
“Heqja e maskës po analizohet në dy kategori, në ambientet e mbyllura dhe të jashtme. Por kjo kërkon një sërë indikatorësh. Përveç të dhënave klinike, infektimet apo të shtruarit në spitale, edhe imunizimi i popullsisë do të ndikojë, por që do të ketë sërish kritere. Do të shohim në varësi të imunizimit nga vaksina dhe nga vetë infektimet”, shpjegon Tomini në “Breaking”, në Top News.
Sipas saj, “popullata e ka përkrahur tashmë distancimin, maskat i mbajnë në ambientet e brendshme, pavarësisht se janë shpërqëndruar pas vaksinimit”.
Ky ndërgjegjësim i popullsisë, shton shefja e Epidemiologjisë, tregon se Shqipëria është drejt kalimit në vijën e gjelbër.
CDC (Centers for Disease Control and Prevention) ka dhënë një lajm të mirë për masat e parandalimit të virusit Covid-19.
Tashmë, sipas udhëzimeve të reja, njerëzit plotësisht të vaksinuar do të mund të veprojnë pa maskë në aktivitetet e tyre të përditshmërisë. Në këto aktivitete përfshihen ecja, vrapi, ecja me biçikletë, grumbullimi i vogël i personave, apo drekat e darkat në restorant.
Edhe në shtetet që momentalisht është e detyruar mbajtja e maskës në ambientet publike, CDC mendon se ky rregull s’ka pse të zbatohet më nga personat plotësisht të vaksinuar.
Megjithatë, përjashtim bëjnë vendet e mbushura me shumë njerëz, si psh. grumbullimet e mëdha nëpër koncerte, ku është më e vështirë për t’u dalluar cili person është vaksinuar dhe cili jo.
Centers for Disease Control and Preention kanë publikuar një tabelë me udhëzimet e reja që duhet të ndjekë për aktivitete të ndryshme çdo person i vaksinuar plotësisht ose jo.
Aktivitetet më të sigurta janë ngjyrosur me ngjyrë të gjelbër për të vaksinuarit dhe jo të vaksinuarit plotësisht. Aktivitetet më pak të sigurta mund t’i shihni në ngjyrë të verdhë dehe aktivitetet e rrezikshme janë ngjyrosur në ngjyrë të kuqe.
Më poshtë keni listën e plotë të udhëzimeve, të publikuar nga CDC:
