Vajza e Valbona Selimllarit, Vivien, tashmë është rritur dhe mund ta shoqërojë mamin nëpër evente të ndryshme kulturore.
Ndonëse mami Valbona e ka ruajtur me fanatizëm identitetin e fëmijëve, ajo tashmë nuk tregohet më e rezervuar.
Herën e fundit që e pamë me të bijën ishte në koncertin “Divat” të emrave të njohur të muzikës si Rovena, Irma, Besa dhe Eneda.
Në fotot e siguruara nga Gazeta Express, vogëlushja shihej në profil, me flokët me onde dhe në ngjyrë të çelur që e bëjnë të duket shumë lozonjare.
Por Valbona nuk qëndroi në hije gjatë koncertit. Ajo dha një intervistë për “Elite Show”, ku foli edhe për vajzën e vogël.
“Tani ka filluar të rritet dhe mund ta shoqërojë mamin”, u shpreh Valbona teksa vogëlushja pozonte me fytyrën drejt kamerës.
E pyetur nga gazetarja nëse Vivien do të bëhet yll si mami, Valbona u përgjigj:
“Të bëhet e mirë dhe të ketë ca vlera të tjera, pa ato yjet ikin dhe vijnë, nuk janë aq të rëndësishëm”.
